ސުވާލާއި ޖަވާބު

މިއީ އިމަޖެންސީ/ކުއްލި ހާލަތްތަކުގައި ބަލިމީހުންނަށް ފަރުވާ ދިނުމަށްޓަކައި، ފަރުވާ ލިބެންހުރި އެންމެ ކައިރި ސިއްޙީ މަރުކަޒަށް ބަލިމީހުން ގެންގޮސްދިނުމަށް ޤާއިމުކޮށްފައިވާ ޚިދުމަތެއް.

ބަލިމީހާއަށް ބޭނުންވާ ފަރުވާ، ބަލިމީހާ އޮތް ސިއްޙީ މަރުކަޒުގައި ލިބިދެވެން ނެތްނަމަ، އަދި އެ ފަރުވާ ވަގުތުން ނުދެވިއްޖެނަމަ، ބަލިމީހާގެ ފުރާނައަށް ނުރައްކަލެއް ކުރިމަތިވެދާނެފަދަ ނުވަތަ ބަލިމީހާއަށް ދާއިމީ ނުކުޅެދުންތެރިކަމެއް ދިމާވެދާނެފަދަ ހާލަތްތަކުގައި.

ބަލިމީހާއަށް ފަރުވާދޭ ޑޮކްޓަރު، އެވަގުތު ބަލިމީހާ އޮތް ސިއްހީ މަރުކަޒުން ނުވަތަ ހޮސްޕިޓަލުން އެކަށީގެންވާ ފަރުވާ ނުވަތަ ބޭނުންވާ ޚާއްޞަ ފަރުވާ ދެވެން ނެތްކަމަށް ނިންމުމުން، އެކަމާ ގުޅޭގޮތުން ބަލިމީހާ ބަދަލުކުރަންޖެހޭ މަރުކަޒާ ޑޮކްޓަރު މަޝްވަރާކުރައްވާނެއެވެ. އެއަށްފަހު، އިމަޖެންސީގައި ބަލިމީހާ ބަދަލުކުރުމުގެ ހުއްދަ ހޯދުމަށްޓަކައި ބޭނުންވާ ލިޔެކިޔުންތައް އާސަންދައަށް ފޮނުވާނީ އެ ފަރުވާދޭ ޑޮކްޓަރެވެ.

ބަލިމީހާ އެހެން މަރުކަޒަކަށް ބަދަލުކުރެވޭނީ، ބަލިމީހާ ހުރި މަރުކަޒުގައި ބަލިމީހާއަށް ދޭންޖެހޭ ޚާއްޞަ ފަރުވާ ދެވެން ނެތްކަން ކަށަވަރަކުކޮށް އެކަން އެންގުމުންނެވެ.

މެޑިފްއަކީ ބަލިމީހަކު ވައިގެ މަގުން ދަތުރުކުރަންޖެހޭ ޙާލަތެއްގައި ސްޓްރެޗަރ، އޮކްސިޖަން، ވެންޓިލޭޓަރ، އިންކިއުބޭޓަރ ފަދަ ޚާއްޞަ އެހީތެރިކަމެއް ބަލިމީހާއަށް ބޭނުންވާނަމަ އެކަން ބަޔާންކޮށް ޑޮކްޓަރު ފުރިހަމަކުރަންޖެހޭ ފޯމެކެވެ.

• އެފަދަ އެހީތެރިކަމެއް ބޭނުންވާ ބަލިމީހަކަށް ދަތުރުކުރެވޭނީ އެ ފޯމު އެއާލައިނަށް ހުށަހަޅައި އެއާލައިނުން ހުއްދަ ލިބުމުންނެވެ.
• މި ފޯމު އާސަންދަ އޮފީސްތަކުންނާއި އެއަރލައިން އޮފީސްތަކުން ލިބެން ހުންނާނެއެވެ.
• މި ފޯމުގެ ކުލަ ސްކޭން ކޮޕީއެއް، ޑޮކްޓަރުގެ ސޮއި އަދި ހޮސްޕިޓަލުގެ ސްޓޭމްޕް އާއިއެކު ހުށަހަޅަންވާނެއެވެ.
• ދަތުރުކުރާއިރު މެޑިފް ފޯމްގެ އަސްލު ބޭނުންވާނެއެވެ.

ބަލިމީހާ ރިފަރ ކުރުމުގެ ހުއްދަ ލިބުމުން، އާސަންދަ ޓީމުން ދަތުރުފަތުރުގެ ކަންކަން ހަމަޖެހޭނެ ގޮތެއް ނިންމުމަށްފަހު، ބަލިމީހާ ފޮނުވާ ސިއްހީ މަރުކަޒަށް ނުވަތަ ހޮސްޕިޓަލަށް އެކަން އަންގާނެއެވެ.

• ކަނޑުމަގުން ބަލިމީހާ އުފުލުން: ކަނޑުމަގުން ބަލިމީހާ އުފުލުމަށްޓަކައި އެމް.އެން.ޑީ.އެފް (MNDF) ގެ ސީ އެމްބިއުލާންސް ހޯދުމަށް އާސަންދައިން މަސައްކަތް ކުރާނެއެވެ. ސީ އެމްބިއުލާންސް ލިބެން ނެތް ހާލަތްތަކުގައި، މޯލްޑިވްސް ހެލްތު ލައިން (MHL) މެދުވެރިކޮށް ބަލިމީހާ އުފުލޭނެ އިންތިޒާމު އާސަންދައިން ހަމަޖައްސައިދޭނެއެވެ. މި ދެ ގޮތުން ކުރެ ގޮތަކަށް ދަތުރު ހަމަނުޖެހިއްޖެ ނަމަ، ބަލިމީހާ ފޮނުވާ ސިއްހީ މަރުކަޒުން އަމިއްލަ ލޯންޗެއްގެ އިންތިޒާމު ހަމަޖައްސަންވާނެއެވެ.
• ވައިގެ މަގުން ބަލިމީހާ އުފުލުން: ބަލިމީހާގެ ހާލަތަށާއި ކަމުގެ އަވަސްމިނަށް ބަލައި، ޝެޑިއުލް ފްލައިޓެއްގައި ނުވަތަ އެއާ އެމްބިއުލާންސްގައި ބަލިމީހާ އުފުލުމުގެ އިންތިޒާމު ހަމަޖެހޭނެއެވެ.

• ސީ އެމްބިއުލާންސް: ބަލިމީހާއާއެކު އެއް އެހީތެރިއެއް
• ޝެޑިއުލްޑް ފްލައިޓް: ބަލިމީހާއާއެކު އެއް އެހީތެރިއެއް (އެއްކޮޅު ޓިކެޓް)
• އެއަރ އެމްބިއުލާންސް (އެމްއެމްއީއެސް): ބަލިމީހާއާއެކު ޙާލަތަށް ބެލުމަށްފަހު ދެ އެހީތެރިން
• ދެ އަހަރުން ދަށުގެ ކުއްޖެއް ނަމަ ބަލިކުއްޖާއާއެކު ދެ އެހީތެރިން   (ކުއްޖާގެ މަންމަ ދަތުރު ކުރާނަމަ)

މިފަދަ ހާލަތްތަކުގައި، ސިއްހީ ހިދުމަތްދޭ މަރުކަޒު މެދުވެރިކޮށް އަމިއްލަ ލޯންޗެއް ކުއްޔަށް ހިފިދާނެއެވެ. ނަމަވެސް، ދަތުރު ފެށުމުގެ ކުރިން އެ ލޯންޗަށް ހިނގާނެ ހަރަދު އާސަންދަ ކުންފުނިން އެޕްރޫވް ކުރަންވާނެއެވެ. އަދި ލޯންޗުގެ ބިލު އާސަންދަ ކުންފުންޏަށް ހުށަހަޅަންވާނީ ބަލިމީހާ ގެންދެވުނު ލޯންޗުގެ ވެރިފަރާތުންނެވެ. 

ނޫން. އާސަންދަ ސްކީމުގެ ދަށުން އަމިއްލައަށް ކުރާ ހަރަދުތަކަށް ފައިސާ އަނބުރާ ދޫކުރުމުގެ (ރީއެމްބާސް ކުރުމުގެ) އުސޫލެއް ނޯވެއެވެ.

އަލަށް އުފަންވާ ކުދިންނަށް 28 ދުވަސް ފުރެންދެން، މަންމަގެ އައިޑީ ކާޑު ނަންބަރު ބޭނުންކޮށްގެން ސްކީމްގެ ދަށުން ޚިދުމަތް ހޯދޭނެއެވެ. 

ނަމަވެސް، ބައްޕަގެ އައިޑީ ކާޑު ބޭނުންކުރެވޭނީ ކުއްޖާގެ މަންމައަކީ ބޭރު ގައުމެއްގެ މީހެއް ނަމައެވެ. މިގޮތަށް ބައްޕަގެ އައިޑީ ކާޑު ބޭނުންކުރެވޭނީވެސް ކުއްޖާއަށް 28 ދުވަސް ފުރެންދެނެވެ.

ކުއްޖާއާއެކު މަންމައަށް ދަތުރުނުކުރެވޭ ހާލަތެއްނަމަ، މަންމަ އެޑްމިޓްކޮށްފައިވާ ސިއްހީ މަރުކަޒުގައި މަންމަގެ އައިޑީ ކާޑުގެ ކޮޕީއެއް ބޭއްވުމަށްފަހު، އައިޑީ ކާޑުގެ އަސްލު ކުއްޖާއާއެކު ފޮނުވަންވާނެއެވެ. އަދި މިފަދަ ހާލަތްތަކުގައި ކުއްޖާގެ އަމިއްލަ އައިޑީ ކާޑު ހެއްދުމުގެ ކަންކަން ވީހާވެސް އަވަހަށް ކުރިއަށް ގެންދަންވާނެއެވެ.

އާސަންދައިގެ ދަށުން ބަލިމީހާއަށާއި އެހީތެރިޔާއަށް ދޫކުރާނީ އެއްކޮޅު ޓިކެޓެވެ. ނަމަވެސް، މެޑިކަލް އެސްކޯޓެއް (ޑޮކްޓަރެއް ނުވަތަ ނަރުހެއް) ބޭނުންވާ ހާލަތްތަކުގައި، އެ ބޭފުޅުންނަށް ދެކޮޅު ޓިކެޓް އާސަންދައިން ހަމަޖައްސައިދޭނެއެވެ.

ނޫން، އެ ހަރަދެއް އާސަންދައިން ނުދޭނެއެވެ.

ކަނޑުމަގުން ބަލިމީހާ އުފުލަންޖެހޭ ހާލަތްތަކުގައި، ސީ އެމްބިއުލާންސް ނުވަތަ މޯލްޑިވްސް ހެލްތު ލައިން (MHL) މެދުވެރިކޮށް ދަތުރުގެ އިންތިޒާމުތައް ހަމަޖައްސައިދޭނީ އާސަންދަ މެދުވެރިކޮށެވެ.

ސީ އެމްބިއުލާންސް ނުވަތަ މޯލްޑިވްސް ހެލްތު ލައިންގެ ހިދުމަތް ލިބެން ނެތް ހާލަތްތަކުގައި، އަމިއްލަ ލޯންޗެއް ކުއްޔަށް ހިފުމުގެ އިންތިޒާމުތައް ހަމަޖައްސާނީ އެ ބަލިމީހަކަށް ފަރުވާދޭ ސިއްހީ ހިދުމަތްދޭ މަރުކަޒުންނެވެ.

ވައިގެ މަގުން ބަލިމީހާ އުފުލަންޖެހޭ ހާލަތްތަކުގައި، އެއާލައިންގެ ރިޒަވޭޝަން ހެދުމުގެ ކަންކަން ކުރިއަށް ގެންދާނީ ސިއްހީ ހިދުމަތްދޭ މަރުކަޒުންނެވެ. އަދި 'މޯލްޑިވިއަން' އިން އެ ރިޒަވޭޝަންގެ މައުލޫމާތު، ހުއްދަ ހޯދުމަށްޓަކައި އާސަންދައަށް ފޮނުވާނެއެވެ.

އެއާ އެމްބިއުލާންސް މެދުވެރިކޮށް ބަލިމީހާ އުފުލުމަށް ހުއްދަ ލިބިއްޖެނަމަ، އާސަންދައިން ސިއްހީ މަރުކަޒުން ބޭނުންވާ ލިޔެކިޔުންތައް ހޯދުމަށްފަހު، އެ މައުލޫމާތުތައް މޯލްޑިވްސް އިމަޖެންސީ މެޑިކަލް ސާވިސަސް (MEMS) އަށް ފޮނުވާނެއެވެ. އެއީ ދަތުރުގެ އިންތިޒާމުތައް އެ ފަރާތުން ހަމަޖެއްސުމަށްޓަކައެވެ.

ބަލިމީހާއާއެކު ދަތުރުކުރާނެ ޞިއްޙީ އެހީތެރިން ކަނޑައަޅަނީ ބަލިމީހާގެ ޙާލަތަށާއި، ދަތުރުމަތީގައި ބަލިމީހާއަށް ދޭންޖެހޭ ފަރުވާއަށް ބެލުމަށްފަހު، އާސަންދައިގެ ޓީމުންނެވެ.

ބަލިމީހާ ހޮސްޕިޓަލާ ހަވާލުކުރުމަށްފަހު، އެންމެ އަވަހަށް އޮންނަ ފްލައިޓަކުން އެނބުރި ރަށަށް ދާންވާނެއެވެ.

ނޫނެވެ. އެއްގަމު އެމްބިއުލާންސް ހޯދުމުގެ އިންތިޒާމުތައް އާސަންދަ މެދުވެރިކޮށް ހަމައެއް ނުޖެއްސޭނެއެވެ. ނަމަވެސް، އެމްބިއުލާންސް ބޭނުންކުރުމަށް ހިނގާ ޚަރަދު އާސަންދަ ސްކީމްގެ ތެރެއިން ހަމަޖައްސައިދެވޭނެއެވެ.