ތިރީގައިވާ ޚިދުމަތްތައް ފިޔަވާ އެހެން ހުރިހާ ޞިއްޚީ ޚިދުމަތެއް އާސަންދަ ސްކީމުގެ ދަށުން ލިބިދެވޭނެއެވެ.
- ކޮޓަރީގައި އެޑްމިޓްކުރެވޭ ބަލިމީހާގެ ޕްރައިވެޓް ކޮޓަރި ފީ.
- އާސަންދަ ޚިދުމަތް ފޯރުކޮށްދިނުމަށް ރަޖިސްޓްރީ ކޮށްފައިނުވާ މަރުކަޒަކުން ދެވޭ ޚިދުމަތްތައް.
- ރަލާއި، މަސްތުވާތަކެތި ބޭނުންކުރާ މީހުންނަށް ދެވޭ ޙާއްސަ ފަރުވާ (ޑިޓޮކްސިފިކޭޝަން އާއި މެތަޑޯން) އެއީ ވަކި ބަޖެޓަކުން ސަރުކާރުގެ ވަކި މުއައްސަސާއަކުން ހަމަޖެހިގެން ކުރާ ފަރުވާއަކަށްވާތީ.
- ހަށިގަނޑު ރީތިކުރުމުގެ ގޮތުން ކުރެވޭ ހުރިހާ ބާވަތެއްގެ ފަރުވާ (މީގެ ތެރޭގައި ދަތުގައި ނަރުގަނޑު އެޅުވުން، އަދި ދަތްތައް ރީތި ކުރުން ފަދަ ކަންތައް ހިމެނޭ) އަދި މީގެ އިތުރުން ކޮންޓެކްޓް ލެންސް އަދި އަވިއައިނު.
- ނުކުޅުދުންރެތިކަން ހުންނަ މީހުންނަށް ބޭނުންވާ (ހިއަރިންގ އެއިޑް، ވީލްޗެއަރ ފަދަ) އާލާތްތަކުގެ ޚަރަދު. އެއީ އެންސްޕާގެ ވަކި ބަޖެޓަކުން ހަމަޖައްސައިދޭ ކަންކަމަކަށް ވާތީ.
- ބޮލުން އިސްތަށި ފޭބުން ހުއްޓުވުމަށް ނުވަތަ އަލުން އިސްތަށި ފެޅުވުމަށް ނެގޭ ފަރުވާ.
- ގުގުރި ދެމުން ހުއްޓުވުމަށް ދެވޭ ފަރުވާ.
- ކަސްރަތުކުރުމަށް ހިނގާ ޚަރަދާއި ބޭނުންވާ އެކިއެކި ސާމާނު.
- ޑޮކްޓަރުގެ ބޭސް ސިޓީއަކާއި ނުލާ ގަންނަ ބޭސްތަކާއި ޑޮކްޓަރުގެ ލަފަޔަކާއި ނުލާ ހަދާ ޓެސްޓުތައް.
- ޑޮކްޓަރެއްގެ އެޑްމިޝަން ސްލިޕަކާއި ނުލާ، ހަމައެކަނި ތަޙުލީލުތަކެއް ކުރުމަށް ނުވަތަ އެކްސްރޭ ނެގުމަށް ނުވަތަ މެޑިކަލް ޗެކްއަޕް ހެދުމަށް ހޮސްޕިޓަލުގައި އެޑްމިޓްކުރުމަށް ހިނގާ ޚަރަދުތައް.
- ކާނާގެ ބާވަތްތަކާއި، ކާނާގެ ބައިތައް ހަށިގަނޑަށް ލިބިދިނުމުގެ ގޮތުން ތައްޔާރު ކޮށްފައިވާ އެކިކަހަލަ ސަޕްލިމެންޓްތަކާއި، އަދި މިނޫންވެސް ރީތިވުމަށް ބޭނުންކުރާ އެކި ކަހަލަ ސާމާނު، މިސާލު:ޝޭމްޕޫ، ސައިބޯނި، ދަތް އުނގުޅާ ބޭސް ފަދަ ތަކެތި (ޑޮކްޓަރ ބޭސްސިޓީގައި ލިޔެދެއްވިކަމުގައި ވިޔަސް).
- ކައުންސެލިންގް ދިނުމަށް ހިނގާ ޚަރަދުތައް. (ނަމަވެސް ކުލިނިކަލް ސައިކޮލޮޖީ ކައުންސެލިން ކަވަރު ކުރާނެ)
- މަސާޖު ކުރުން/ މަސާޖު ކުރުމަށް އެދާ ޚަރަދުތައް.
- ހަށިގަނޑުގެ ބަރުދަން ލުއި ކުރުމަށް ކުރެވޭ އެކިކަހަލަ ފަރުވާތައް.
- އެޑްމިޓްކޮށްފަ ނުވަތަ އޮބަޒަވޭޝަންގަ އޮންނަ ވަގުތު ހިނގާ ޓީ.ވީ/ރޭޑިއޯ، ފޯނު އަދި ކެއުންފަދަ ޚަރަދުތައް.
- އަޖުމަ ބެލުމަށް ކުރެވޭ ތަޙުލީލުތަކާއި، ހުއްދަ ނުކުރެވޭ ފަރުވާތައް (ހުއްދަނުކުރުވޭ ފަރުވާތަކަކީ ހަމައެކަނި ދިރާސާކުރުމުގެ މަޤުޞަދުގައި ކުރެވޭ ތަޙްލީލުތަކާއި ފަރުވާތައް)
- ޖިންސީ ފުއްދުން ތެރިކަން އިތުރުކުރުމަށް ކުރެވޭ ފަރުވާ.
- ޖިންސީ ގުނަވަނެއް ބަދަލު ކުރުމާއި ގުޅިފައިވާ ފަރުވާ.
- ވެކްސިން (ނޭޝަނަލް އިމިއުނިޒޭޝަން ޝެޑިއުލްގެ ތެރެއިން ހިލޭ ލިބޭ ފަރުވާ އަކަށް ވާތީ)
- ކޮމްޕްލިމެންޓަރީ މެޑިސިން (އަޔުރުވެދިކް، ޔޫނާއީ، އެކިއުޕަންކްޗަރ، ދިވެހިބޭސް، ޗައިނީޒް މެޑިސިން) އަދި މިނޫންވެސް މިފަދަ ފަރުވާތައް.
- އިކޮނޮމީ ކްލާސް ނޫން އެހެން ކްލާސްތަކުގެ ޓިކެޓް އަގު.
- ޞިއްޙީ ގޮތުންނާއި ދީނީގޮތުން ހުއްދަ ނުކުރާ އެބޯޝަންތައް (މިކަން ކަނޑައަޅާނީ ކުންފުންޏަށް ހުށަހަޅާ ޑޮކްޓަރުގެ ލިޔެކިޔުންތަކަށް ރިޢާޔަތްކޮށް ކުންފުނީގެ މެޑިކަލް ޑިޕާޓްމަންޓުން).